Pagina Inicial»Noticia
Komisaun Espesializada Permanente sira iha Parlamentu Nasionál kontinua halo audiénsia ho entidade relevante sira kona-ba pakote lejislasaun hirak ne’ebe iha hela komisaun sira.
Audiénsia ne’ebe hala’o iha loron 8 fulan juñu tinan 2021 ne’e, Komisaun A ne’ebe trata asuntu Konstitusional no Justisa halo audiénsia ho Ministeriu Administrasaun Estatal, CNE no STAE hodi ko’alia kona-ba Proposta Lei n.o 30/V(2ª) – alterasaun datoluk ba Lei n.o 5/2005, 8 dezembru, Orgaun Administrasaun Eleitoral, n.o 31/V(3ª) – alterasaun dahuluk ba Lei n.o 6/2016, 25 maiu, Lei Resensiamentu Eleitoral no Proposta Lei n.o 33/V(3ª) – alterasaun dalimak ba Lei n.o 7/2006, 28 dezembru, Lei Eleitoral ba Prezidente Repúblika.
Komisaun B ne’ebe trata asuntu Defesa no Seguransa halo audiénsia ho Ministeriu Interior, Ministeriu Justisa, no Ministeriu Defesa kona-ba konsertasaun nasional ba politika no forsa seguransa.
Entretantu Komisaun C no D halo audiénsia ho Konsellu Konsultivu Fundu Petroliferu no FONGTIL.
