Pagina Inicial»Noticia
Asosiasaun sira husi Profisionál Saúde halo audiénsia ho Prezidente Parlamentu Nasionál, Aniceto Longuinhos Guterres Lopes, akompanha husi Prezidente Komisaun F ho nia membru sira iha sala GMPTL, iha loron 5 fulan maiu tinan 2021.
Durante audiénsia, Profisional Saúde sira hanesan AMTL (Associação dos Médicos de Timor-Leste), AETL (Associação de Enfermeiros de Timor-Leste) no seluk tan aprezenta preokupasaun barak relasiona ho situasaun atual liuliu iha prevensaun no kombate Covid-19.
Dadus ne’ebe profisionál saúde sira aprezenta katak durante ne’e profisionál saúde sira enfrenta hela agresaun fizika no intimidasaun oioin ne’ebe dezakredita profisionál saúde sira. Tanba ne’e Parlamentu Nasionál hanesan orgaun soberania ne’ebe representa povu, bele konsidera no foti medida ruma ba situasaun atual.
