Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, iha loron 14 fulan abril tinan 2021, simu audiénsia husi Rezidente Koordenadór Organizasaun Nasaun Unida (ONU), Roy Trivedy no Reprezentante Rezidente Programa Nasaun Unida ba Dezenvolvimentu (PNUD), Munkhtuya Altangerel, iha gabinete Prezidente nian.
Durante reuniaun, parte rua diskuti kona-ba programa kooperasaun ne’ebe lao hela inklui programa balun ba futuru liuliu planu tempu badak nian hodi responde ba pandemia Covid-19 no kalamidade publika ne’ebe akontese iha semana kotuk hodi resulta vítima barak iha kapitál Díli inklui munisipiu balun.
Situasaun ne’e, Parlamentu Nasionál enkoraja parseiru internasionál sira atu kontinua apoiu Governu no Estadu Timor-Leste hodi rezolve problema hirak ne’ebé mosu.
Prezidente Parlamentu Nasionál agradese tebes ba kooperasaun ezistente liuliu estabelesimentu Uma Komunikasaun no seluk tan.
Entretanto husi parte ONU no PNUD nian kontinua hatudu prontidaun atu apoiu Governu Timor-Leste liuliu apoiu umanitariu ne’ebé durante ne’e lao no kontinua ba futuru.
