Presidente Parlamento Nacional, Aniceto Longuinhos Guterres Lopes, participa iha cerimónia ba Promoção ba Posto Oficial General no Generais ba Falintil-Forças Defesa Timor-Leste (F-FDTL), iha loron 26 fulan fevereiro tinan 2021, iha Palácio Presidencial Nicolau Lobato, Díli.
Presidente República, Francisco Guterres Lú Olo, hafoin simu proposta husi Governo no rona Concelho Superior Defesa no Segurança decreta promoção Coronel Calisto Santos Coli ‘Coliati’ ba posto Brigadeiro General; Capitão Mar e Guerra Donaciano do Rosário da Costa Gomes ‘Pedro Klamar Fuik’ ba posto Comodoro; Brigadeiro-General Domingos Raul ‘Falur Rate Laek’ ba posto Major-General no Major-General Tito da Costa Cristóvão ‘Lere Anan Timur’ ba posto Tenente-General.
Cerimonia ne’e rassik, presidi hussi Presidente República, Francisco Guterres “Lu-Olo”, no hetan participação hussi Presidente Parlamento Nacional, Aniceto Longuinhos Guterres Lopes, Primeiro-Ministro, Taur Matan Ruak no mos convidados importante sira seluk.
