Presidente do Parlamento Nacional, Aniceto Longuinhos Guterres Lopes, participa iha reunião Conselho do Estado, iha loron 24 fulan fevereiro tinan 2021, iha Palácio Presidencial Bairro-Pite Díli.
Hafoin reunião, Chefe Casa Cívil Presidência da República, Francisco Maria de Vasconcelos, informa ba jornalista sira katak, Presidente República simu pedido ida hussi Governo kona-ba extensão Estado de Emergência, tanba ne’e, Presidente da República usa nia competência tuir Constituição artigo 85, hodi convoca reunião rua hanessan Conselho Superior Defesa e Segurança no Conselho do Estado, ho objetivo atu rona opinião sira relaciona ho pedido Governo nian.
Além de ne’e, Chefe da Casa Cívil informa mos katak, iha medidas ida tan maka sei haruka Força Defesa Timor-Leste (F-FDTL) hodi apoio segurança iha fronteira sira.
Hussi reunião refere, Chefe de Estado sei hussu autorização ba Parlamento Nacional hodi decreta Estado de Emergência ba da-sanulu resin ida.
