Pagina Inicial»Noticia
Presidente Associação Independente Recolha Dados Veteranos Falsificados (AIRDVF), Jose Dias Guterres “LOI MALI” ho nia equipa halo reunião ho Presidente Parlamento Nacional, Aniceto Longuinhos Guterres Lopes, iha loron 19 fulan fevereiro tinan 2021, iha sala conferencias Parlamento Nacional.
Presidente AIRDVF hatete organização ne’ebé nia lidera hetan apoio hussi órgão sobreano haat iha Timor-Leste, atu tulun Governo identifica veterano hirak ne’ebé halo falsificação documento.
AIRDVF recolha ona dados barak hussi município 12 no RAEOA hodi apresenta ba parte competente liuliu tribunal hodi processa.
Tanba ne’e objetivo atu halo reunião ho Presidente Parlamento Nacional atu atualiza serviço ne’ebé AIRDVF halo durante ne’e iha município sira.
Presidente Parlamento Nacional aprecia iniciativa AIRDVF hodi identifica veterano loloos, no sugere atu apresenta dados hirak ne’e ba Governo liu hussi Primeiro-Ministro hodi resolve.
