Pagina Inicial»Noticia
Embaixador Coreia do Sul iha Timor-Leste, Kim Jeong Ho, halo reunião ho Presidente Parlamento Nacional, Aniceto Longuinhos Guterres Lopes, iha loron 18 fulan fevereiro tinan 2021, iha gabinete Presidente nian.
Durante reunião, parte rua partilha ba malu kona-ba cooperação hirak ne’ebé lao durante ne’e inclui plano no programa ne’ebé sei hala’o iha futuro.
Embaixador Coreia do Sul hatete, Timor-Leste ho Coreia do Sul iha sistema politica no democracia ne’ebe hanessan, nune’e ba oin continua hametin amizade entre nação rua atu halo desenvolvimento ida sustentável ba povo no nação.
Coreia do Sul pronto atu tulun Timor-Leste liuliu Parlamento Nacional iha aspeto oioin tuir necessidade Parlamento Nacional nian.
Presidente Parlamento Nacional agradece tebes ba apoio Coreia do Sul durante ne’e, no hussu atu hametin liu tan cooperação rai rua ne’e iha futuro.
Ba Parlamento Nacional, precisa poio Coreia do Sul nian ba implementação digitalização parlamentar, inclui formação técnica ba técnico sira hodi apoio serviço di’ak liu tan.
Hafoin reunião, parte rua entrega lembrança ba malu nu’udar gesto amizade entre nação rua.
