Pagina Inicial»Noticia
Secretário-Geral Parlamento Nacional, Adelino Afonso de Jesus, halo reunião liu hussi videoconferência ho Secretário-Geral Assembleia da República de Portugal, Albino de Azevedo Soares, hodi assina relatório Avaliação ba Programa Cooperação entre instituição rua ne’e, liu hussi videoconferência, iha loron 12 fulan Fevereiro tinan 2021, iha Sala Conferência Parlamento Nacional.
Relatório ne’ebé assina hanesan resultado avaliação ba implementação programa de cooperação entre Assembleia República Portugal ho Parlamento Nacional Timor-Leste 2017 to’o 2022.
Atividade sira iha cooperação entre Parlamento rua ne’e hamutuk 36 programas, realiza ona 21 programas ne’ebé atingi 72.8%, resto hussi programa sira ne’e sei realiza iha tinan 2021 no 2022.
Continuação ba implementação programa sira ne’e, sei liu hussi videoconferência tanba situação pandemia covid-19, la-permite deslocação interveniente atu fó no simu formação presencial. Participante sira laos parte técnico hussi secretariado-geral Parlamento Nacional nian de’it, maibé, sei envolve mos Membro Deputado sira, tambá, iha área formação balun corresponde ba serviço Comissão Especializada Permanente sira.
