Pagina Inicial»Noticia
Presidente Parlamento Nacional, Aniceto Longuinhos Guterres Lopes, acompanha hussi membro da Mesa, Deputado sira no estrutura secretariado Parlamento Nacional, participa iha cerimonia fúnebre Deputado saudoso Sabino Soares Guntur, iha cemitério dos heróis da pátria, Metinaro Díli, iha loron 28 fulan janeiro tinan 2021.
Iha nia discurso, Presidente Parlamento Nacional hatete Parlamento Nacional halo ona esforço máximo hodi salva saudoso Guntur nia vida, maibé tarde tanba moras ne’ebé saudoso enfrenta grave liu ona.
Presidente Parlamento Nacional mós lori órgão soberania hotu nia naran, hato’o sentido condolência ba família saudoso inclui partido PLP rassik. Presidente expressa nia sentimento triste tanba iha V Legislatura ne’e, Deputado na’in tolu (3) maka hakotu iis hanessan Deputada Saudosa Albina Marçal Freitas, hussi bancada CNRT, Deputado Saudoso Gilman dos Santos, hussi bancada UDT no Deputado Saudoso Sabino Soares Guntur, hussi bancada PLP.
Saudoso hanessan Deputado V Legislatura hussi Bancada PLP, hakotu iis iha Hospital Nacional Guido Valadares Díli, iha loron 23 fulan janeiro tinan 2021.
