Parlamento Nacional, liu hussi Sessão Solene de homenagem, iha loron 25 fulan janeiro tinan 2021, halo cerimónia hodi hato’o homenagem ikus ba saudoso Deputado V Legislatura, Sabino Soares Guntur”, ne’ebé hakotu-iis iha Hospital Nacional Guido Valadares (HNGV), iha loron 23 fulan janeiro tinan 2021.
Homenagem ikus ne’e hato’o liu hussi sessão plenária ordinária, ne’ebé aprova voto de pesar ho 60 votos a favor, 0 contra no 0 abstenções.
Saudoso Deputado Sabino Soares “Guntur”, hanessan Deputado atual ba V Legislatura 2018-2023, hussi Bancada Partido Libertasaun Popular (PLP), matebian moris iha Suco Lelalai Posto Administrativo Quelicai, Município Baucau, loron 08 fulan julho tinan 1975 no hakotu-iis ho idade 45 anos.
Iha sessão de homenagem ne’e, hahú ho toca Hino Nacional no mós um minuto de silêncio ne’ebé dirigi hussi Presidente Parlamento Nacional, além de ne’e, iha mós leitura ba votos de pesar ne’ebé Parlamento aprova ona.
Iha homenagem ne’e, Bancada sira iha Parlamento Nacional, hato’o sira nia sentidas condolências ba família Saudoso Deputado no sei la haluha ninia contribuição durante período resistência e, depois da independência, no contribuição ba desenvolvimento nação ida-ne’e.
Presidente do Parlamento Nacional, Aniceto Longuinhos Guterres Lopes, hodi Parlamento Nacional nia naran, hato’o sentidas profundas condolências no solidariedade ba família saudoso Deputado nian, no mos ba família boot Partido PLP ne’ebé lakon ema di’ak no líder partido nian.
Depois sessão homenagem iha Parlamento Nacional, mate isin entrega ba Família matebian nian hodi continua ho cerimónia cultural no fúnebre.
