Pagina Inicial»Noticia
Presidente do Parlamento Nacional, Aniceto Longuinhos Guterres Lopes, halo reunião mensal ho Presidente da República, Francisco Guterres «Lu-Olo», iha loron 22 fulan dezembro tinan 2020, iha Palácio Presidencial Bairro-Pite Díli.
Hafoin reunião, Presidente Parlamento Nacional informa ba jornalista sira katak objetivo reunião refere atu informa ba Presidente da República kona-ba serviço parlamentar ne’ebé hala’o ona inclui hirak ne’ebe sei implementa iha tempo oin mai.
Horas ne’e daudaun bessik ona loron Natal no Tinan Foun, atividade hirak ne’ebé precisa finaliza antes tama ba tinan foun.
Liu tiha tinan foun, Presidente do Parlamento Nacional hatete Parlamento Nacional sei concentra ba legislação sira ne’ebé pendente inclui iniciativa legislativa ne’ebé mak iha atu finaliza.
