Pagina Inicial»Noticia
Presidente do Parlamento Nacional, Aniceto Longuinhos Guterres Lopes, acompanha hussi Deputado sira participa iha cerimónia comemoração aniversário ba dala 45º Proclamação Independência da República Democrática de Timor-Leste (RDTL), ne’ebé hala’o iha Pilila, Município Liquiçá, iha loron 28 fulan novembro tinan 2020.
Cerimónia ne’e preside hussi Presidente da República, Francisco Guterres Lu-Olo, no iha cerimónia hatún bandeira iha parte loraik, preside hussi Presidente do Parlamento Nacional, Aniceto Longuinhos Guterres Lopes.
Iha celebração ne’e, além de discurso hussi Presidente da República ne’ebé ko’alia kona-ba processo luta libertação, desafios ne’ebé estado enfrenta iha ukun rassik-an no processo desenvolvimento económico no política no mensagem unidade nacional inclui assunto sira seluk. Além de ne’e, iha mós condecoração ba timoroan sira ne’ebé fó nia contribuição ba luta libertação nacional.
Participa iha comemoração ne’e mak membro sira órgão soberania nian, veterano sira, corpo diplomático, convidado sira seluk inclui comunidade em geral.
Antes atu hatún bandeira, iha tempo pausa comemorações 45º Aniversário da Proclamação Independência, Presidente Parlamento Nacional participa iha atividade kuda ai-katapa oan, iha praia Lauhata nian.
