Pagina Inicial»Noticia
Iha loron 23 fulan novembro tinan 2020, Parlamento Nacional realiza cerimónia transferência ordem de serviço hussi Coordenador Gabinete Segurança Parlamento Nacional cessante, inspetor Alexandrino da Costa “Samurai” ba Coordenador Gabinete Segurança Parlamento Nacional foun, Assistente Superintendente Abrão Filipe Dias Quintas, iha Sala Conferência Parlamento Nacional.
Baseia ba Lei Organização e Funcionamento da Administração Parlamentar (LOFAP), iha artigo n.º 21 ko’alia kona-ba Gabinete de Segurança. Gabinete de Segurança ida ne’e coordenado hussi oficial segurança destacado hussi Polícia Nacional de Timor-Leste ho posto da subcategoria de Oficiais Superiores hodi fó segurança ba órgão soberano Parlamento Nacional.
Iha Cerimónia ne’e, Presidente Parlamento Nacional atribui certificado reconhecimento ba serviço prestado hussi Comandante Alexandrino da Costa "Alex Samurai" durante período IV no V Legislatura. Além de ne’e, procede ba entrega documento serviço nian hussi Comandante Segurança Parlamento Nacional Cessante ba comandante foun.
Parlamento Nacional agradece mos ba Comando Geral Polícia Nacional de Timor-Leste (PNTL), ba colaboração no cooperação entre Comando Geral PNTL ho Parlamento Nacional ne’ebé indigita oficial superior foun mai Parlamento Nacional Comandante Abrão Filipe Dias Quintas.
Participa iha cerimónia ne’e mak hanessan, Presidente Parlamento Nacional, Aniceto Longuinhos Guterres Lopes, acompanha ho Membro Mesa sira, no mos Secretária-Geral Parlamento Nacional Sra. Cedelizia Faria dos Santos.
