Parlamento Nacional, liu hussi Sessão Solene, iha loron 14 fulan novembro tinan 2020, fó ultima homenagem ba ex-Deputado Assembleia Constituinte, Deputado 1ª Legislatura hussi Bancada Partido Liberal (PL), nomos hanesan Fundador ba organização resistência ho naran Frente iha Timor Unidos Nafatin “FITUN”, saudoso Armando José Dourado da Silva “Mausurik Murak Rai”, ne’ebé hakotu-iis iha Hospital Nacional Guido Valadares Díli, iha loron 11 fulan novembro tinan 2020.
Matebian moris iha Díli, iha loron 19 fulan setembro tinan 1967, no saudoso hakotu iss ho idade 53 anos.
Sessão Solene de homenagem ba ex-Deputado ne’e, hahu ho Mesa halo abertura no continua ho leitura ba biografia ex-Deputado nian, ne’ebé conta história saudoso nia participação iha organização oi-oin hodi contribui ba libertação país ida ne’e.
Hafoin de ne’e, plenário continua ho execução Hino Nacional da República Democrática de Timor-Leste no um minuto de silêncio ne’ebé preside hussi Vice- Presidente Parlamento Nacional, Deputada Maria Angelina Lopes Sarmento.
Iha Sessão Solene de Homenagem ne’e, Bancada Parlamentar sira hato’o sentida e profunda condolência ba Família enlutada no fo lembra participação no contribuição hussi saudoso hanessan Deputado no mos jovem iha luta ba independência.
Antes realiza homenagem ikus, Presidente do Parlamento Nacional, acompanha hussi Deputado balun no Secretária-Geral Parlamento Nacional inclui dirigentes no funcionário sira balun, presta homenagem iha ex-Deputado nia um iha Taibessi Díli, iha loron 13 fulan novembro tinan 2020.
Sessão Homenagem ne’e preside hussi Vice-Presidente Parlamento Nacional, Maria Angelina Lopes Sarmento, acompanha hussi Membro da Mesa no hetan presença hussi família enlutada.
