Pagina Inicial»Noticia
Presidente Comissão G Parlamento Nacional ne’ebe trata assunto Educação, Juventude e Cidadania, Deputado António Verdial, participa iha seminário cientifico ho tema “Papel Professores iha âmbito garantia qualidade iha ensino educativo iha Timor-Leste liga ho Orçamento Geral de Estado”, iha loron 10 fulan novembro tinan 2020, iha Salão Instituto Nacional de Formação de Docentes e Profissionais da Educação de Timor-Leste (INFORDEPE), Balide Díli.
Iha seminário ne’e, Presidente Comissão G sai mos hanessan orador ida hodi apresenta matéria kona-ba “Papel Parlamento Nacional iha âmbito Orçamento Geral de Estado (OGE) ba Educação”. Iha nia apresentação Presidente Comissão G agradece ba manorin hodi fahe experiência ba geração foin sira ne’ebe bele kaer metin geração tuan nia mudança no esforço nune’e bele lori desenvolvimento no bem-estar ba ita nia rain. Presidente Comissão G mós considera katak debate ne’e fundamental tebes, tanba Parlamento Nacional oras ne’e daudaun trata hela Orçamento tinan fiscal 2021 ninian atu nune’e hahú hussi janeiro tinan 2021 sei iha orçamento incluindo ba educação ne’ebe agora daudaun ema hotu preocupa hela.
Orador sira iha seminário ne’e mak hanessan; Presidente Comissão G Parlamento Nacional, Representante hussi Ministério Educação, Juventude no Desporto, Presidente Comissão Função Pública no Magnífico Reitor Universidade Nacional Timor Lorosa’e.
