Pagina Inicial»Noticia
Presidente Parlamento Nacional, Aniceto Longuinhos Guterres Lopes, halo reunião mensal ho Presidente República, Francisco Guterres Lu-Olo, iha loron 09 fulan novembro tinan 2020, iha Palácio Presidencial Aitarak-Laran Díli.
Hafoin reunião Presidente Parlamento Nacional informa ba jornalista katak reunião refere atu informa ba Presidente República kona-ba atividade hirak ne’ebé durante ne’e Parlamento Nacional halo liuliu processo audiência ba Orçamento Geral de Estado tinan 2021 nian, nune’e bele iha coordenação no acerta ba calendário tanba Presidente República iha loron 30 hodi halo promulgação ba OGE refere.
Tanba ho audiência refere, comissão especializada sira sei submete relatório no parecer ba Comissão C antes haruka ba Plenária hodi hahú discussão iha generalidade no especialidade antes aprovação final global.
Além de ne’e ko’alia mós kona-ba eficiência no eficácia iha serviço administração ho gestão parlamentar liga ba produtividade Deputado sira-nian tuir competência ne’ebe mak iha.
