Parlamento Nacional liu hussi Grupo Mulheres Parlamentares de Timor-Leste (GMPTL), organiza cerimónia hodi Comemora Loron Feto Nacional ba dala 45, ho tema: Promove Participação feto, iha nível foti decisão, hodi lidera ba mudança inclusiva, iha loron 05 fulan novembro tinan 2020, iha recinto Parlamento Nacional.
Comemoração ida ne’e, hetan discurso hussi Presidente GMPTL, Deputada Lídia Norberta, Presidente GMPTL Primeira Legislatura, Sra. Judit Dias Ximenes no mos Presidente Parlamento Nacional, Aniceto Longuinhos Guterres Lopes.
Iha discurso Presidente Parlamento Nacional hatete, comemoração loron feto nacional lori ita ba hanoin hikas feto sira iha comunidade ka sociedade timorense iha período sira liu ba kotuk, comemoração ida ne’e convida ita hotu atu halo mos reflecção ida ba iha aspeto boot tolu, feto iha humanidade, feto iha evolução sociedade idak-idak no feto iha revolução politica no desenvolvimento nacional. Além de GMPTL nudar mecanismo dinamizadora ida ne’ebé hamriik iha parte inan feton sira iha Parlamento Nacional atu promove participação, foti decisão no inclusividade. Ikus hussi Discurso ne’e, Presidente Parlamento Nacional hateten katak, Parlamento Nacional sei aprova resolução ida hodi congratula feto Timor-Leste ba loron nacional feto nian ne’ebé comemora ohin.
Ikus hussi cerimonia ne’e, iha sessão de reconhecimento ba Ex-Presidente do GMPTL desde Primeira to’o Quinta Legislatura, mak hanesan Presidente GMPTL Primeira Legislatura, Sra. Judit Dias Ximenes; Presidente GMPTL Segunda Legislatura Sra. Maria Paixão; Presidente GMPTL Terceira Legislatura, Sra. Josefa Alvares Pereira Soares; Presidente GMPTL Quarta Legislatura; Sra. Florentina Smith, Presidente GMPTL Quinta Legislatura; Sra. Brígida Antónia Correia.
Celebração ida ne’e, conta mos ho animação hanesan dança no declamação poema hussi Grupo Santo António.
Participa iha cerimónia ne’e mak, Presidente Parlamento Nacional, Aniceto Longuinhos Guterres Lopes, Esposa Presidente da República, Cidália Guterres, Presidente GMPTL, Ex-Presidentes da GMPTL, Embaixador da Austrália no mos convidados importante sira seluk.
