Iha loron 16 fulan outubro tinan 2020, iha Centro Convenções Díli, Presidente Parlamento Nacional, Aniceto Longuinhos Guterres Lopes, participa iha Celebração loron Aihan Mundial ao mesmo tempo comemora aniversario ba agency Food and Agriculture Organization (FAO) ba dala hitu nulu resin lima (75).
Iha cerimónia ida ne’e, Presidente Parlamento Nacional hato’o discurso ao mesmo tempo halo mos abertura ba Seminário ida ne’e. Iha discurso Presidente Parlamento Nacional nian hatete, para além de setor hirak seluk nebe’e contribui ba ema nia qualidade moris, iha contexto ida ne’e, sector agricultura mak sai pilar importante iha politica, “Kuda, hakiak no haburas aihan nutritivu. Promove agricultura sustentável, assegura aihan, halakon hamlaha, hadiak nutrição.
Iha discurso ne’e mos, Presidente convida ema hotu-hotu, tantu individu ka nudar instituição, atu hamutuk no hatudu iha participação ba supera desafio sira ne’e ho hatudu iha contribuição ba fo solução. Forma no conserta bebeik comportamento funcional, no politico ho disciplina, ho empenho, dedicação, serviço makas ho sentido altroismo, hamenos pre-suposto desnecessários no esbanjamento recursos.
Celebração ba loron Aihan Mundial ne’e, organiza hussi Ministério Agricultura no apoio hussi Agência Internacional hanesan parceiro desenvolvimento, Food and Agriculture Organisation (FAO) no World Food Programme (WFP).
