Pagina Inicial»Noticia
Parlamento Nacional liu hussi sessão Plenária extraordinária iha loron 3 fulan outubro tinan 2020, liu hussi votação nominal ho votos unanime ho 55 a favor, 0 contra 0 abstenções, hodi autoriza Presidente República decreta Estado emergência ba daneen.
Estado emergência ba daneen ne’e ho período loron 30 hahú horas 00:00 loron 5 fulan outubro too horas 23;59 loron 3 fulan novembro tinan 2020, iha território tomak Timor-Leste nian, ho suspensão parcialmente ba direito balun hanessan; circulação internacional, liberdade de circulação e de fixação de residência em Qualquer ponto do território nacional no direito de resistência.
Sessão Plenária extraordinária ne’e hahú ho leitura ba guião no continua kedas ba leitura mensagem hussi Presidente República, Francisco Guterres Lu-Olo, kona-ba pedido renovação estado emergência ba daneen.
Iha mensagem refere menciona razão sira hodi hussu autorização Parlamento Nacional nian, hanessan numero caso vírus SARS-Co-2 ne’ebé hamossu Covid-19 iha nação vizinho hanessan Indonésia contínua aumenta liuliu Província Nusa Tenggara Timur (NTT).
Primeiro-Ministro, Taur Matan Ruak, iha nia intervenção hatete caso Covid-19 iha mundo continua aumenta mesmo cada nação halo esforço makas hodi combate moras refere.
Timor-Leste ne’ebé localiza bessik liu Indonésia, precisamente assegura no mantem medida hirak ne’ebé aplica durante ne’e atu previne no controlo moras ne’e.
Nune’e Governo sente importante tebes atu renova estado emergência ne’e atu bele iha controlo ne’ebé eficiência ba cidadão sira.
Deputado sira continua hussu ba Governo atu responde ba necessidade povo nian iha situação estado emergência nian, tanba implementação estado emergência liu ba povo balun continua enfrenta dificuldade liuliu necessidade básico nian.
Representante povo mós hussu ba Governo atu fortifica controlo iha linha fronteira sira liuliu fronteira terrestre atu evita moras refere da’et ba comunidade sira.
Sessão plenária ne’e preside hussi Presidente Parlamento Nacional, Aniceto Longuinhos Guterres Lopes, acompanha hussi membro Mesa sira, no hetan presença hussi Primeiro-Ministro, Taur Matan Ruak, ho membro Governo balun.
