Pagina Inicial»Noticia
Secretária-Geral Parlamento Nacional, Cedelizia Faria dos Santos, acompanha hussi Secretário-Geral Adjunto, Luís Nascimento da Costa, ho Diretor Comunicação, Hélio Leite Magalhães, halo reunião ho Presidente RTTL.ep, Francisco da Silva Gari, ho nia equipa, iha loron 01 fulan outubro tinan 2020, iha sala Conferência Parlamento Nacional.
Reunião ne’e ho objetivo atu ko’alia kona-ba cooperação entre Parlamento Nacional ho Rádio e Televisão Timor-Leste (RTTL.ep) iha área comunicação nian, liuliu iha parte radio nian.
Discussão inicio ne’e foca liu ba oinsá halo alargamento linha frequência Rádio Televisão Parlamento Nacional nian. Tanba horas ne’e daudaun Radio Parlamento Nacional cobre de’it Município 5 hanessan Díli, Liquiçá, Aileu, Ermera no Manatuto.
Nune’e hussi discussão ne’e, Secretariado Parlamento Nacional hussu ba RTTL.ep atu facilita canal ruma ba Radio Parlamento Nacional hodi bele cobre município hotu.
RTTL.ep no Parlamento Nacional sei halo nota de entendimento iha tempo badak hodi concretiza plano refere.
