Pagina Inicial»Noticia
Secretária-Geral Parlamento Nacional, Cedelizia Faria dos Santos, acompanha hussi Secretário-Geral Adjunto, Luis do Nacimento, participa iha reunião Associação Secretários Gerais Parlamentares da Comunidade de Países da Língua Portuguesa (ASG-PLP), ba dala XXI ho tema Impacto Pandemia ba Processo Legislativo Parlamentar, iha loron 28 too 29 fulan setembro tinan 2020, iha sala conferencia Parlamento Nacional.
Reunião ne’ebé liu hussi videoconferência ne’e participa hussi nação sia (9) hanessan Angola, Brasil, Cabo-Verde, Guiné-Bissau, Guine Equatorial, Moçambique, São-tomé e Príncipe, Timor-Leste no Portugal.
Tema ne’e Secretária-Geral Parlamento Nacional apresenta iha fórum debate virtual ne’e mak impacto pandemia iha administração parlamentar. Ho ida-ne’e partilha serviço no desafio hirak ne’ebé administração parlamentar hassoru durante implementação estado emergência.
Durante intervenção concentra liu ba enquadramento no atribuição serviço parlamentar, funcionamento unidade orgânica secretariado Parlamento Nacional nian iha âmbito prevenção no combate Covid-19, serviço secretariado nian ho colaboração Ministério Saúde liuliu desinfestação ba edifico Parlamento Nacional, realização campanha no sensibilização ba prevenção no combate Covid-19, suspensão ba limite atividade parlamentar durante estado emergência no impacto pandemia iha administração parlamentar.
Hafoin apresentação, Secretária-Geral ho nia Adjunto mós acompanha apresentação hussi nação sira seluk ho tópico ne’ebé define ona.
