Parlamento Nacional, liu hussi Sessão Solene, iha loron 11 fulan setembro tinan 2020, fó ultima homenagem ba ex-Deputado 2ª Legislatura hussi Bancada UNDERTIM, saudoso Faustino dos Santos “Renan Selak”, ne’ebé hakotu-iis iha Hospital Nacional Guido Valadares Díli, iha loron 10 fulan setembro tinan 2020.
Matebian moris iha Aldeia Ira-Ara, Suco Fuiluro, Posto Administrativo Lospalos, Município Lautém, iha loron 01 fulan maio tinan 1957, no saudoso hakotu iss ho idade 63 anos.
Antes tama ba Sessão Solene de homenagem ba Ex-Deputado, Comissão Permanente realiza plenária Extraordinária ida hodi aprova deliberação Parlamento Nacional ba realização Sessão Solene ba Homenagem Ex-Deputado, ho votos, 23 a favor, 0 contra no 0 abstenções.
Depois de ne’e, Plenário contínua discute no aprovação Voto de Pesar ho unanimidade 39 votos a favor, 0 contra no 0 abstenções.
Iha Sessão Solene de Homenagem, Bancada Parlamentar sira hato’o sentida e profunda condolência ba Familia enlutada no fo lembra participação no contribuição hussi saudoso hanessan Deputado no mos veteranos iha luta ba Independência, no mos ba desenvolvimento nacional País ninian.
Sessão Homenagem ne’e preside hussi Presidente Parlamento Nacional, Aniceto Longuinhos Guterres Lopes, acompanha hussi membro da Mesa no hetan presença hussi família enlutada.
