Iha loron 10 fulan setembro tinan 2020, Associação Deficientes Timor - Leste (ADTL) halo audiência ho Presidente Parlamento Nacional, Aniceto Longuinhos Guterres Lopes, iha Sala Conferência Parlamento Nacional.
Iha início audiência ida ne’e, Presidente Parlamento Nacional hato'o Bem-vindo ba Ema ho deficiente sira, ho hatete, se Estado ida mak la servi Ema ho Deficiência significa Estado la servi nia povo.
Objetivo hussi audiência nee, Associação Deficientes Timor-Leste mai hato'o ba Presidente Parlamento Nacional, preocupação sira relaciona ho dificuldade kona-ba acessibilidade, edifício, no infraestrutura ba ema ho difidência. Nune’e mos, ADTL sugere mos atu harii Conselho Nacional ba ema ho deficiência iha Timor - Leste.
Husi preocupação sira ne’e, Presidente Parlamento Nacional hateten, Parlamento Nacional sei hatoo preocupação hirak nee ba Primeiro-Ministro no ministério competente, além de ne’e, Parlamento mos sei halo fiscalização ba preocupação sira ne’e.
