Pagina Inicial»Noticia
Presidente Parlamento Nacional, Aniceto Longuinhos Guterres Lopes, acompanha hussi Secretária-Geral Parlamento Nacional, Cedelizia Faria dos Santos, halo reunião geral ho funcionário tomak inclui órgão hirak ne’ebé tutela ba Parlamento Nacional hanessan Organização Global de Parlamentares Contra a Corrupção (GOPAC) no Conselho Consultivo do Fundo Petrolífero (CCFP), iha loron 9 fulan setembro tinan 2020.
Iha introdução ba reunião ne’e, Presidente Parlamento Nacional hatete atu desenvolve Parlamento Nacional di’ak liu no forte liu tan iha futuro, precisa unifica capacidade tomak hussi parte hotu-hotu liuliu secretariado ne’ebé sai hanessan subsistema ba apoio politico sira.
Tanba ne’e, objetivo reunião refere atu partilha ba malu, kona-ba dificuldade hirak ne’ebé secretariado liuliu funcionário sira hassoru hodi melhoria serviço iha futuro.
Relatório Camara de Contas ne’ebé apresenta ba Parlamento Nacional sai referencia mós ba secretariado no Parlamento tomak hodi hadi’a no cumprimenta regra ne’ebé mak iha.
Durante reunião, funcionário sira apresenta preocupação barak ba Presidente Parlamento Nacional no Secretária-Geral hodi bele considera nune’e desenvolve di’ak liu tan órgão soberano daruak ne’e.
