Pagina Inicial»Noticia
Representante sira hussi Associação Universitário Timor-Leste (AUTL), halo reunião ho Presidente Parlamento Nacional, Aniceto Longuinhos Guterres Lopes, acompanha hussi Presidente Comissão F ne’ebé trata assunto Saúde, Segurança Social e Igualdade Género, Deputado Noé da Silva Ximenes «Buka Tuir», no Presidente Comissão G ne’ebe trata assunto Educação, Juventude, Cultura e Cidadania, Deputado Antonio Verdial Sousa, iha loron 21 fulan agosto tinan 2020, iha sala conferência Parlamento Nacional nian.
Reunião ne’e ho objetivo atu apresenta preocupação sira kona-ba livre propinas ba estudante sira relaciona ho Covid-19 ne’ebé mundo tomak enfrenta inclui Timor-Leste.
Tanba durante estado emergência, atividade processo aprendizagem suspende, no sorin seluk Governo decide hodi fó subsidio ba estudante sira iha estrangeiro. Tanba ne’e AUTL considera katak precisa mós Governo foti decisão ruma ba estudante sira rai-laran.
Ne’e duni liu hussi reunião refere, Parlamento Nacional hanessan representante povo, bele tetu no discute ho Governo atu buka solução ba preocupação ne’e.
