Presidente Parlamento Nacional (PPN), Aniceto Longuinhos Guterres Lopes, halo reunião mensal ho Presidente República, Francisco Guterres “Lu-Olo”, iha loron 17 fulan agosto tinan 2020, iha Palácio Presidencial Bairro-Pite, Díli.
Reunião ne’e ho objetivo atu informa ba Presidente República kona-ba atividade hirak ne’ebé durante ne’e Parlamento Nacional halo liuliu iha período recesso no mos perspetiva no prioridade serviço nian ba futuro.
Além de ne’e, PPN mos hato’o informação kona-ba relatório serviço durante fulan tolu assume knaar hanessan Presidente Parlamento eleito, mak hanesan, Parlamento Nacional funciona normal, serviço administração lao nafatin, Deputado sira continua halo fiscalização, processo legislação mos lao no Lei balun hetan ona aprovação, iha deliberação barak mak Parlamento Nacional halo hanesan fo autorização ba Estado Emergência.
Iha reunião ne’e PPN mos aproveita hodi convida Sua Excelência Presidente da República hodi participa no halo abertura ba terceira sessão Legislativo ba V legislatura nian iha 15 setembro 2020.
