Parlamento Nacional liu hussi Comissão C ne’ebé trata Assunto Finanças Públicas, Comissão D ne’ebé trata assunto Economia e desenvolvimento no Comissão F ne’ebé trata assunto Saúde, Segurança Social e Igualdade de Género, halao audiência ho Ministro das Finanças, Conselho de Gestão do Fundo Covid-19 no Governador Banco Central Timor-Leste, iha loron 16 fulan junho tinan 2020, iha Sala Plenária.
Objetivo hussi audiência ida ne’e, Deputado sira hakarak rona direita explicação hussi executivo sira relaciona ho apreciação inicial ba Proposta de Lei nº 17/V/ (2ª).
Audiência ne’e rassik preside hussi Presidente Comissão C, Deputada Maria Angelica Rangel da C. dos Reis hamutuk ho Deputado sira Comissão C, D no F nian, conta mos ho presença Ministro das Finança, Fernando Hanjam, Vice-Ministra das Finanças, Sara Lobo Brites, Ministra de Saúde, Odete Maria Freitas Belo, Governador Banco Central, Abrão de Vasconcelos no mos responsável sira Conselho de Gestão do Fundo Covid-19 nian.
