Pagina Inicial»Noticia
Comissão Especializada Permanente sira iha Parlamento Nacional, iha loron 3 fulan junho tinan 2020, hala’o ona destituição ba estrutura comissão sira no hili ona estrutura foun hodi lidera Comissão Especializada sira ne’e.
Comissão especializada sira ne’ebé hili ona estrutura foun mak hanessan Comissão A, D, E, F no G, entretanto Comissão B no C sei realiza iha loron 4 fulan junho tinan 2020.
Nune’e Comissão A ne’ebé trata assunto Constitucionais e Justiça, lidera hussi Presidente Comissão Deputado Joaquim dos Santos, Vice-Presidente Deputado Francisco de Vasconcelos no Secretário Deputado José Pacheco Soares; Comissão D ne’ebé trata assunto Economia e Desenvolvimento, lidera hussi Presidente Comissão Deputado Antoninho Bianco, Vice-Presidente Deputada Olinda Guterres no Secretário Deputado Alexandrinho Cardoso da Cruz; Comissão E ne’ebé trata assunto Infraestruturas continua lidera hussi Presidente Comissão Deputado Abel Pires da Silva, Vice-Presidente Deputado Fabião Oliveira no Secretária Deputada Maria Anabela Sávio; Comissão F ne’ebé trata assunto Saúde, Segurança Social e Igualdade de Género, lidera hussi Presidente Comissão Deputado Noé da Silva Ximenes, Vice-Presidente Deputado Félix da Costa no Secretária Deputada Helena Martins Belo; no Comissão G ne’ebé trata assunto Educação, Juventude, Cultura e Cidadania, lidera hussi Presidente Comissão Deputado Antonio Verdial de Sousa, Vice-Presidente Deputada Josefa Alvares Pereira Soares no Secretária Deputada Gabriela Alves.
Hafoin elege estrutura foun comissão nian, Presidente Comissão sira convoca kedas reunião comissão ida idak nian hodi define agenda comissão sira ne’ebé atu realiza iha loron tuir mai.
