Pagina Inicial»Noticia
Embaixador Cuba ba Timor-Leste, Omar L. Marrero Betancourt, halo reunião ho Presidente do Parlamento Nacional, Arão Noé de Jesus da Costa Amaral, iha loron 20 fulan fevereiro tinan 2020.
Durante reunião, Embaixador foun ne’e informa ba Presidente do Parlamento Nacional kona-ba continuação cooperação bilateral entre Cuba ho Timor-Leste durante ne’e, liuliu iha área saúde, económico no politica.
Hussi cooperação ne’ebé mak iha, Cuba facilita ona fó formação ba timoroan liu rihun ida iha área saúde nian, inclui colocação doutor sira iha Timor-Leste oinsá fó atendimento ba cidadão sira.
Embaixador Cuba ne’e mós hussu ba Parlamento Nacional atu estabelece Grupo Amizade Parlamentar entre Cuba ho Timor-Leste, hodi fortifica liu tan relação amizade entre nação rua.
Além de ne’e ko’alia mós kona-ba futuro estabelecimento fábrica ida ba ai-moruk iha Timor-Leste hodi bele facilita di’ak liu tan ba paciente sira.
Presidente do Parlamento Nacional aprecia tebes ho vontade Governo Cuba ne’ebé continua apoio desenvolvimento Timor-Leste liuliu iha área saúde nian. Timor-Leste ho Cuba nia amizade metin liu tan tanba harii tinan barak ona liuliu iha tempo difícil.
Tanba ne’e Governo no Estado Timor-Leste continua iha vontade hodi assegura relação bilateral ne’e hodi halo desenvolvimento nacional.
Kona-ba criação Grupo Amizade Parlamentar, Parlamento Nacional iha ona plano hodi estabelece iha tempo oin mai.
