Pagina Inicial»Noticia
Comissão G iha Parlamento Nacional ne’ebe trata assunto Educação Cultura Juventude e Cidadania, iha loron 5 to’o 6 fulan fevereiro tinan 2020 hala’o fiscalização ba iha Município Ainaro.
Atividade fiscalização ne’e simu diretamente hussi Administrador Município Ainaro, Albertino de Araujo, no continua kedas ho reunião ne’ebé presença mós hussi entidade relevante sira iha município refere hanessan diretor sira hussi ministério relevante sira.
Durante reunião, Diretor Educação Município Ainaro apresenta ba delegação Comissão G kona-ba processo aprendizagem, condição escola sira, problema menos professor sira nomos assunto seluk tan.
Hafoin reunião, delegação contínua ho fiscalização ba Escola CAFÉ hodi haree direitamente condição escola nian nomos processo aprendizagem iha escola refere. Iha fiscalização ne’e delegação hala’o mós encontro ho coordenador interino Escola CAFÉ António da Costa, hodi rona preocupação no dificuldade hirak ne’ebé escola ne’e enfrenta.
Além de ne’e, delegação Comissão G mós hala’o fiscalização ba iha construção Escola Técnico Vocacional Município Ainaro nian, no iha loron tuir mai continua kedas ba Escola Técnico Vocacional Maubisse.
Atividade fiscalização ne’e lidera hussi Presidente Comissão G, Sabino Soares ‘Guntur’ acompanha hussi membro Comissão G nomos técnico sira.
