Pagina Inicial»Noticia
Assunto estrada, eletricidade, no bee moos continua sai preocupação ba Deputado iha Sessão Plenária ordinária iha loron 9 fulan dezembro tinan 2019.
Iha sessão Plenário ne’e, Deputado sira questiona estrada balun ne’ebé continua aat, comunicado iha área balun liuliu iha capital Díli continua la acesso ba bee moos, inclui eletricidade ne’ebé too horas ne’e sei mate lakan.
Além de ne’e, Deputado sira mós preocupa ho instabilidade liuliu iha capital Díli, ne’ebé quase loroloron acontece incidente hodi hakanek no hamate juventude sira.
Relaciona ho assunto sira ne’e, Deputado sira hussu ba Governo atu continua esforço hodi soluciona problema sira ne’ebé comunidade sira enfrenta.
Secretário de Estado para a Comunicação Social, Mericio Juvenal Akara, hatete, Governo continua esforço hodi soluciona dificuldade hirak ne’ebé comunidade enfrenta tuir prioridade ne’ebé mak iha.
Sessão Plenária ne’e preside hussi Vice-Presidente do Parlamento Nacional, Maria Angelina Lopes Sarmento, acompanha hussi membro da Mesa sira no hetan presença hussi Secretário de Estado para a Comunicação Social, Mericio Juvenal Akara.
