Pagina Inicial»Noticia
Presidente do Parlamento Nacional, Arão Noé de Jesus da Costa Amaral, halo reunião mensal ho Presidente da República, Francisco Guterres Lu-Olo, iha loron 20 fulan novembro tinan 2019, iha Palácio Presidencial Bairro Pite Díli.
Hafoin reunião, ba jornalista sira, Presidente do Parlamento Nacional hateten durante reunião informa kona-ba atividade hirak ne’ebe durante ne’e Parlamento Nacional hala’o no mos legislação ne’ebe mak Mesa Parlamento simu hanessan Proposta de Lei Orçamento Geral de Estado 2020 nian no projeto de lei haat hanessan Projeto de Lei Anti-Corrupção, Projeto de Lei Poder Local, Projeto de Lei Eleição Municipal no Projeto de Lei Código de Mineiro.
Alem de ne’e informa mós kona-ba serviço Comissão Especializada Permanente sira ne’ebé conclui ona relatório parecer no submete ona ba Comissão C hodi halo relatório final antes tama ba debate OGE. Tuir agenda debate ba generalidade sei hahú iha loron 25 too 27 fulan novembro no especialidade sei hahú iha loron 29 fulan novembro too loron 12 fulan dezembro.
Presidente da República sugere atu OGE 2020 ne’e discute ho kle’an no haree prioridade sira ba tinan oin nian.
