Pagina Inicial»Noticia
Provedoria dos Direitos Humanos e Justiça (PDHJ), convida Presidente do Parlamento Nacional, Arão Noé de Jesus da Costa Amaral, hodi participa no sai orador iha seminário nacional ida ne’ebé organiza hussi PDHJ iha loron 22 fulan outubro tinan 2019, iha Timor Plaza Díli.
Convite ne’e hato’o direta hussi Adjunto Provedoria dos Diretos Humanos e Justiça, Miguel Pereira de Carvalho, durante reunião ho Presidente do Parlamento Nacional, Arão Noé de Jesus da Costa Amaral, ne’ebé acompanha ho nia Vice- Presidente, Luís Roberto, iha loron 09 fulan outubro tinan 2019, iha Gabinete Presidente nian.
Seminário nacional ne’e sei participa hussi PDHJ hussi nação asiático sira hanessan Indonésia, Filipina, Malásia, Tailândia no Myanmar. Tema ba seminário ne’e mak «Garante Inclusividade no Igualdade Ema ho Deficiência iha Ita nia Nação».
Nune’e presença Parlamento Nacional iha seminário ne’e importante tebes atu partilha mós informação sira no política atu garante desenvolvimento ba ema hotu, no medida hirak ne’ebé precisa foti hanessan ratificação ba convenção sira liga ba ema ho deficiência sira.
