Parlamento Nacional hahú ona 4ª Sessão Legislativa ba 3ª Legislatura iha loron 15 fulan setembro tinan 2015.
Presidente Parlamento Nacional Vicente da Silva Guterres hatete katak sessão legislativa foun ne’e la loke hussi Presidente da República hanessan legislatura sira seluk tanba Presidente da Republica rassik hussu atu bele partisipa deit iha ultima sessão legislativa legislatura ida ne’e nian.
Nia dehan Presidente da Republica hala’o visita oficial ida ba Xina ho Japão, maibé visita ba Japão la consegue ho motivo ne’ebé ema hotu hatene.
«Ne’e mak Presidente da Republica disponível ba ultima sessão legislativa em 2016, tanba ne’e mak la iha sessão solene» deklara Presidente Parlamento Nacional.
Ho situasaun ne’e Presidente Parlamento Nacional continua kedas ho agenda ne’ebé mak iha nune’e tama kedas ba intervenções diversas, ne’ebé cada deputado hato’o sira preocupação no informação ne’ebé recolha hussi base.
Hafoin de período antes ordem do dia, Presidente Parlamento Nacional continua kedas ba período ordem do dia nian hodi anuncia no baixa ba Comissão de Assuntos Constitucionais, Justiça, Administração Publica, Poder Local e Anticorrupção Proposta de Lei n.o 20/III (3ª) – Lei do Recenseamento Eleitoral, Proposta de Lei n.o 27/III (3ª) – Lei de Combate ao Trafico de Droga no Proposta de Lei n.o 30/III (3ª) – Procedimento de Concessão de Indulto ne'ebé simu hussi Vice-presidente Comissão A. Ba Comissão de Negócios Estrangeiros, Defesa e Segurança Nacionais baixa Proposta de Resolução n.o 17/III (3ª) – kona-ba Acordo entre a Republica Democrática de Timor Leste ho Santa Sé, ne'ebé simu hussi secretaria Comissão B.