Pagina Inicial»Noticia
Parlamento Nacional liu hussi Sessão Plenária ordinária iha loron 23 fulan abril tinan 2019, halo voto de Solidariedade ba Vítima sira iha Srilanka, incendio iha Igreja Notre-Dame iha Paris no voto de Homenagem ba Vitima sira Massacre Igreja Liquiçá no Residência Manuel Carrascalão nian ho unanimidade.
Iha sessão Plenária ne’e mós Deputado sira questiona kona-ba relatório Comissão Inquérito Parlamentar nian ne’ebé too agora seidauk discute iha Plenária.
Sorin seluk, Deputado sira continua preocupa no hussu atu buka solução infraestrutura básica sira iha Díli laran inclui município sira.
Secretário de Estado para a Comunicação Social ne’ebé representa Governo iha Sessão Plenária ne’e informa katak preocupação sira ne’e sei encaminha ba ministério relevante sira hodi soluciona.
Sessão Plenária ne’e preside hussi Vice-Presidente do Parlamento Nacional, Maria Angelina Lopes, acompanha hussi membro da Mesa sira, no hetan presença hussi Secretário de Estado Para a Comunicação Social, Mericio Juvenal dos Reis.
