Error message

Warning: A non-numeric value encountered in element_children() (line 6738 of C:\www.parlamento.tl\includes\common.inc).

Fiscalização Política

Página Inicial  »Fiscalização Política

 

Instrumento sira ba fiscalização política iha Parlamento Nacional Timor-Leste

Tuir lei poder fiscalização política, Parlamento Nacional exerce nia função máxima garante hussi Constituição no Lei. controlo ida ne’e implica acompanhamento no apreciação ba Governo nia atividade no ba Administração Pública, liu hussi instrumento fiscalização política oioin halulik iha lei.

Apreciação ba Programa Governo nian

Apreciação ba Governo nia programa hussi Parlamento Nasional assume papel ida nia destaca iha fiscalização política nia âmbito. Iha prazo máximo ba loron tolu nulo conta hussi Governo hala’o nia função, Primeiro-Minstro tem que submete Governo nia Programa ba Parlamento Nacional nia apreciação, ne’ebé iha objetivo no tarefa sira maka Governo apresenta atu realiza, medida sira atu adopta no liu-liu orientação política sira ne’ebé maka pretente tuir iha área atividade governamental.

Iha debate parlamentar apresentação Governo nia programa, nebe labele liu loron lima tutuir malu, qualquer Bancada Parlamentar bele propõe nia rejeição ba programa. Rejeição ba programa exige maioria absoluta husi Deputado sira eleito. Governu, nia turno, durante debate bele hussu aprovação voto ida ba nia confiança.    

Voto Confiança

Iha liur husi debate kona ba Governo nia programa, Governo qualquer momento, bele husu ba Parlamento aprovação voto de confiança kona ba declaração política geral ka kona ba nação nia qualquer assunto interesse relevante. Debate parlamentar kona ba voto confiança la bele liu loron tolu, considera voto aprovado se hetan voto sira maioria absoluta husi Deputado sira eleito.  Voto ida ki’ik implica Governo nia demissão. La iha prejuízo, to’o debate remata Governo bele hasai tiha fali nia pedido ba voto confiança.

Moções de Censura

A par ho voto confiança nian, Moção Censura sira constitui instrumento importante ida ba fiscalização política. Bancada parlamentar sira ka ¼ hussi Deputado sira ne’ebé maka hala’o dadaun sira nia função bele apresenta moção censura ida ba Governo kona ba programa nia execução ka nação nia assunto iha interesse relevante.

Moção censura ne’e aprovada se hetan voto sira maioria absoluta husi Deputado sira eleito. Nia aprovação implica Governo nia demissão. Nia rejeição implica katak proponente sira iha moção sei la bele apresenta moção seluk durante sessão legislativa ida nia laran.

Hussu ba Governo no requerimento sira

Liu husi figura jurídica nia hussu ba Governo no requerimento sira, deputado sira bele hetan esclarecimento no informação sira kona ba matéria sira iha área Governo nia responsabilidade katak considera útil atu governo exerce nia mandato.

Pergunta sira bele coloca iha sessão plenária nebe organizada ba ida ne’e duni ka apresenta por escrito/hakerek.

Iha caso dahuluk, deputado maka pretende halo pergunta ba governo, tenke apresenta lista questão sira ba Mesa (Presidente PN, Vice-Presidente no Secretário), lista ne’e submete ba aprovação hussi Representante Bancada Parlamentar sira no hafoin fahe tiha ba deputado sira no haruka ba Governo ho pelo menus molok halo loron 8 iha relação ba data sessão plenária. Sessão plenária sira atu hussu ba Governo iha fulan ida dala ida no la bele kleur liu horas 2.

Se pergunta sira apresenta tiha ona por escrito, Governo tenke responde iha prazo máximo fulan ida nian. Se Governo la fó resposta iha prazo determinado, deputado requerente bele requere fali katak pergunta sira ne’e tenke agenda ba iha sessão plenária pergunta sira nian.

Requerimento sira nebe maka apresenta tiha ona husi deputado sira ba Governo ka ba entidade sira seluk atu hetan informação, tenke sai objeto resposta nian iha prazo loron tolunolu.

Debate sira

Molok atu hakotu período normal Parlamento nia funcionamento, Primeiro-Ministro tenke mai iha Plenário ba sessão ida pergunta sira husi Deputado sira. Debate iha duração máxima loron ida no permite ba bancada parlamentar sira questiona no hetan informação kona ba Governo nia atividade.

Husi lalaok hanesan, ministro ida idak tenke mai iha Plenário pelo menos dala ida kada sessão legislativa, ba debate parlamentar ida atu discute kona ba área atividade sira nebe iha ninia tutela. Debate iha nia duração máxima horas tolu nia laran.

Regimento Parlamento Nasional prevê debate sira nia realização kona ba assunto relevante interesse nacional, bainhira hussu husi Deputado sira na’in sanolu ka husi bancada parlamentar ida idak. Debate tenke realiza iha prazo loron sanulu nia laran hafoin apresentação pedido no iha duração máxima loron ida nia laran.

Ikus liu, bancada parlamentar sira ka Governo bele requere ba Presidente Parlamento Nacional atu realiza debate sira urgente, nebe iha loron hitu nia laran hafoin aprovação ba nia realização husi conferência Representante Bancada Parlamentar sira. Debate urgente sira iha durante período molok tama ba loron ordem nian, nebe liu nia duração horas tolu nia laran..

Petição sira

Direito Petição, consagrado iha artigo 48º Constituição nian, confere cada cidadão atu apresenta petições, queixas no reclamações perante orgão soberania sira ou qualquer autoridade, atu defesa ba Direitos sira, iha constituição, Lei sira no Interese geral.

Perante Parlamento qualquer cidadão bele exerce nia direito atu hato’o petição, queixas ou reclamação por escrito, ho identificação naran no hela fatin hussi autor sira, ba Presidente Parlamento Nacional, no tuir mai sei haruka ba comissão especializada permanente competente  conforme materia hodi halo apreciação.

Comissão sei aprecia petição sira iha prazo 90 dias nia laran, no mos bele halo prorogação, Comissão elabora relatório ida ho nia recomendação sira konaba medidas saida deit mak atu foti. Relatório Comissão ne’e haruka ba Presidente Parlamento Nacional atu halo apreciação iha plenária. Comissão bele hussu atu petição ne’e submete ba Provedor Direitos Humanos no Justiça. Iha caso ida ne’e, Presidente Parlamento Nacional tem que haruka ba Provedor relatório Comissão nian, ba efeitos apreciação nian.

Apreciação petição hussi Parlamento bele provoca ações de controlo seluk, hanesan realização inqueritos parlamentares, recomendação sira ba Governo atu hadia diak liu tan interese cidadão sira nian, ou bele mos halo lei ruma atu regula determinada materia se enquanto seidauk iha enquadramento legal.

Inquérito Parlamentar sira

Inquérito parlamentar sira atu vigia constituição no Lei nia cumprimento, no aprecia Governo no Administração sira nia hahalok tuir ho Regime Jurídico Inquérito Parlamentar sira nia.

Inquérito Parlamentar sira realiza sira nia atividade liu husi comissão Inquérito sira.

Apreciação parlamentar ba atu legislativo sira

Figura jurídica apreciação parlamentar ba atu legislativo sira, permite Parlamento Nacional altera decreto-lei aprovado hussi Governo tuir nia competência legislativa ka remata nia vigência. Liu husi ida ne’e garante discussão ba Governo nia diploma legislativo iha fórum parlamentar, hanesan retificação ba deficiência sira nebe maka diploma ida ne’e bele sofre.

Requerimento ba apreciação parlamentar ba efeitos cessação ka nia alteração tenke apresenta por escrito, ba Mesa Parlamento Nacional, husi deputado sira 1/5 iha período loron tolu nolu nia laran hafoin publicação dekretu-lei iha Jornal República, desconta período suspensão  Parlamento nia funcionamento