Pagina Inicial»Noticia
Funcionário sira Parlamento Nacional nian participa iha retiro hodi prepara an ba festa pascoa nian iha loron 29 fulan março tinan 2019, iha eis seminário Dare.
Objetivo hussi retiro ne’e atu halo reflexão ba ema ida-idak nia hahalok nu’udar sarani no mós funcionário publico antes ba celebra festa pascoa nian.
Iha abertura Presidente do Parlamento Nacional, Arão Noé de Jesus da Costa Amaral hateten retiro ida-ne’e atu halo reflexão nu’udar ema sarani hodi hametin liu tan fiar ba Maromak, no mós nu’udar funcionário público, hodi servi Estado ida-ne’e ho di’ak. Presidente mós aprecia ba iniciativa hussi Secretário-Geral hodi organiza retiro ida no hussu ba funcionário sira atu aproveita retiro ne’e ho di’ak.
Tema ba retiro ne’e mak ‘‘Móris Fali iha Espírito’’ ne’ebé dirige hussi Pe. Acácio Castro SDB, no Pe. Deonildo de Andrade. Depois reflexão, continua ho confessa ba funcionário sira no encerra ho misa ne’ebé mak preside hussi Padre Celebrante mak Pe. Acácio Castro, SDB.
Participante iha retiro ne’e mak Secretario Geral Parlamento Nacional, Adelino Afonso de Jesus acompanha hussi Secretário-Geral Adjunto, Luís Nacimento hamutuk ho Diretor sira, chefia sira no funcionário sira hussi Secretariado Geral Parlamento Nacional, Funcionário Bancada sira Parlamentares, GOPAC, CCFP, no estudante estagiário sira.
