Pagina Inicial»Noticia
Parlamento Nacional, liu hóssi Reunião Plenária ordinária, iha loron 5 fulan março tinan 2019, halo voto de pesar ba falecimento Saudoso Agostinho Pereira “ Mau-Laku”, ne’ebé hakotu is iha loron 1 fulan março tinan 2019, iha Hospital Nacional Guido Valadares, ho votos a favor 50, contra 0 no abstenção 0.
Hafoin de halo votos de pesar, Sessão Plenária continua ho apresentação relatório hussi Comissão ne’ebé trata Finanças Públicas “Comissão C”, kona-ba fiscalização iha Município Covalima, iha loron 23 to’o 27 fulan outubro tinan 2018.
Iha Reunião plenária ne’e mos, Deputado sira debate kona ba infraestrutura básica iha areais rurais hanesan, estrada, eletricidade, água e saneamento no construção escola iha município sira. Deputado sira mos husu atu ministério relevante toma atenção ba alimentação nebe importa hóssi liur, tanba desconfia prazo liu ona no bele afeta ba saúde consumidores nian.
Iha área saúde nian, Deputado sira husu atu Governo aumenta no capacita técnico sira ba iha gestão maquiina fase ran nian tanba menus funcionários.
Reunião ne’e preside hussi Vice-Presidente do Parlamento Nacional, Angelina Maria Lopes Sarmento, acompanha hussi membros da mesa sira, no hetan presença hussi parte Governo, Secretario de Estado de Comunicação Social, Mericio Juvinal dos Reis.
