Pagina Inicial»Noticia
Parlamento Nacional liu hussi reunião Plenária extraordinária iha loron 31 fulan janeiro tinan 2019, halo apreciação foun ba Decreto do Parlamento Nacional n.o 4 /V – Orçamento Geral do Estado para 2019, ho 40 votos a favor, 25 contra no 0 abstenções.
Sessão apreciação foun ne’e hahú iha 09h47 ho leitura ba carta hussi Presidente da República kona-ba veta OGE 2019 inclui guião hussi Secretária da Mesa, Maria Terezinha Viegas.
Hafoin leitura, tuir kedas ho intervenção hussi Primeiro-Ministro, Taur Matan Ruak, hodi ko’alia kona-ba posição Governo nian liga ba OGE, inclui intervenção bancada parlamentar sira-nian.
Liu hussi discussão naruk, hamossu proposta tolu hodi hassai orçamento ho montante $650 milhões hussi OGE ne’ebé antes ne’e prevê hodi sossa ações Conocophilips no Shell. Nune’e ho aprovação proposta sira ne’e, OGE ne’ebé ho montante inicial $2.132 biliões reduz ba $1.482 bilhões.
Hafoin aprovação final global, comissão C ne’ebé trata assunto Finanças Publicas sei halo redação final no haruka ba Presidente do Parlamento Nacional liu hussi decreto Parlamento Nacional envia ba Presidente da Republica hodi decide.
Reunião Plenária ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira no hetan presença hussi Primeiro-Ministro, Taur Matan Ruak, no membro Governo sira.
