Iha 4 to’o 7 novembro 2013, delegação ida husi Parlamento Nacional hola parte iha IV Assembleia Parlamentar Comunidade de Países de Língua Portuguesa (AP-CPLP) nian ne’ebé hala’o iha Luanda, Angola.
Timor-Leste nia delegação composta husi Presidente do Parlamento Nacional, Vicente da Silva Guterres, Secretário-geral do Parlamento Nacional, Sr. Mateus Ximenes Belo no membro sira husi Grupo Nacional: Deputado Estanislau Aleixo da C. A. M. da Silva (Presidente Grupo Nacional nian); Deputado Virgílio Maria Dias Marçal (Vice-Presidente Grupo Nacional nian); Deputada Maria Fernanda Lay (Secretária Grupo Nacional nian); Deputada Josefa Alvares Pereira Soares (Presidente Rede Feto nian); Deputado Eduardo de Deus Barreto e Deputado Francisco Miranda Branco (Membros Grupo Nacional nian).
Assembleia Parlamentar Comunidade de Países de Língua Portuguesa (AP-CPLP) nian ne’e harii iha XII Conselho de Ministros da CPLP (Lisboa, novembro 2007) no hala’o nia reunião ba dala uluk iha São Tomé, capital República Democrática de São Tomé e Príncipe nian, iha 27-28 abril 2009, ho participação husi representante sira husi Parlamento Angola, Cabo Verde, Brasil, Guiné-Bissau, Moçambique, Portugal, São Tomé e Príncipe no Timor-Leste nian.
AP-CPLP nu’udar órgão ne’ebé halibur representação sira husi Parlamento sira hotu Comunidade nian, ne’ebé constitui baseia ba resultado husi eleição legislativa iha nação sira-ne’e ida-idak.
Durante Assembleia Parlamentar ne’e iha Luanda, presidência Assembleia Parlamentar da CPLP nian, ne’ebé Timor-Leste kaer iha momento ne’ebá, entrega ba Angola.
