Pagina Inicial»Noticia
Parlamentu Nasionál liu husi Komisaun Espesializada Permanente sira, iha loron 4 fulan dezembru tinan 2023, kontinua halo audiénsia ba loron datoluk ho Governu liu husi ministériu relevante sira.
Diskusaun ba loron datoluk tuir ajenda ne’ebe aprovadu mak hanesan; Komisaun A ne’ebé trata asuntu Konsititusionais no Justisa halo audiénsia ho Tribunal sira, Prokuradór-Jerál Repúblika Komisaun Anti-Korupsaun, Provedór Direitus Humanus no Komisaun Nasionál ba Eleisaun nian; Komisaun B ne’ebe trata asuntu Negósiu Estranjeiru, Kooperasaun, Defeza no Seguransa halo audiénsia ho Ministru Defeza, FFDTL no Institutu Defeza Nasionál; Ministru Interior akompaña husi Polisia Nasionál Timor-Leste no Servisu Migrasaun.
Komisaun C ne’ebe trata asuntu Finansas Públikas no Komisaun E, ne’ebe trata asuntu Infraestrutura halo audiénsia Prezidente Autoridade RAEOA ne’ebe reprezenta husi Ministeriu Asuntu Parlamentar, Ministru ba Plano no Investimentu Estratejiku, Fundu Infraestrutura, Ministru Obras Publika no Ministru Transporte no Komunikasaun.
Komisaun D ne’ebe trata asuntu Ekonomia no Dezenvolvimentu halo audiénsia ho Sekretáriu Estadu Kooperativa no Banku Nasionál Komersiu Timor-Leste.
Komisaun F ne’ebe trata asuntu Saude, Seguransa Sosial no Igualdade Jeneru halo audiénsia ho Ministeriu Asuntu Kombantente Libertasaun Nasionál ho Sekretária Estadu Igualdade Jeneru no Komisaun G ne’ebe trata Asuntu Edukasaun, Juventude, Kultura no Sidadania halo audiénsia ho Ministru Ensinu Superior Siensia no Kultura, Intitutu Nasionál Siensia no Teknolojia, Ajensia Nasional ba Akreditasaun Akademia, Sekretariu Estadu Komunikasaun Sosial no Institutu Politekniku.
Audiénsia públika ne’e sei kontinua iha loron 5 fulan dezembru hodi rona no diskute ho ministeriu relevante sira. FIM
