Pagina Inicial»Noticia
Parlamentu Nasionál iha loron 3 fulan outubro tinan 2023, aprova ona iha jeneralidade Projetu Lei nú 1/VI(1ª) – Procedimento de Concessão de Indulto e Comutação de Pena.
Diskusaun no aprovasaun ne’ebé lidera husi Prezidente Parlamentu Nasionál, Maria Fernanda Lay, ne’e ho 34 votu a favor, 25 kontra no 3 abstensaun.
Hafoin aprovasaun iha jeneralidade, ho aseitasaun husi plenária, Projetu Lei refere envia ba Komisaun A hodi halo diskusaun iha espesialidade antes aprovasaun final global iha sesaun plenária.
Iha sesaun plenária ne’e mós Bankada Parlamentar PD, aprezenta deklarasaun polítika ne’ebé ko’alia kona-ba bee-moos iha Timor-Leste, ne’ebé konsidera nesesidade importante no presiza solusiona.
Entretantu iha intervensaun diversa nian, Deputadu sira kontinua preokupa folin nesesidade bázika ne’ebé aumenta iha merkadu, traballadór timoroan iha rai-lur, kontrolu ba sasán importadu sira inklui asuntu importante sira seluk. FIM
