Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, halo reuniaun ho Prezidente Repúblika, José Manuel Ramos Horta, iha Palasiu Prezidensiál Bairro-Pite Dili, iha loron 26 fulan maiu tinan 2023.
Hafoin reuniaun, Prezidente Parlamentu Nasionál informa ba jornalista sira katak reuniaun refere atu atualiza servisu no funsionamentu Parlamentu Nasionál ba Prezidente Repúblika, tanba mandatu lejizlatura ida-ne’e besik termina ona, nune’e presiza informa ba Prezidente Repúblika kona-ba lejizlasaun hirak ne’ebé aprova ona, hirak ne’ebé iha prosesu diskusaun no pendente sira.
Durante reuniaun, ko’alia mós kona-ba viajen Prezidente Repúblika nian ba estranjeiru, ne’ebé durante auzénsia Prezidente Parlamentu Nasionál sei assume interinamente hodi garante funsionamentu órgaun soberania refere. FIM
