Pagina Inicial»Noticia
Deputadu sira Parlamentu Nasionál liu husi sesaun plenária ordinária iha loron 23 fulan maiu tinan 2023, parabeniza povu Timor-Leste tomak ne’ebé partisipa iha eleisaun parlamentar iha loron 21 fulan maiu ho paz no estabilidade.
Durante eleisaun ne’ebé lao iha rai laran nomos rai-li’ur la iha insidente ruma ne’ebé tenta impede prosesu eleisaun refere. Situasaun ne’e hatudu, povu nia maturidade iha prosesu eleitoral ne’e.
Deputadu sira mós sujere ba Governu foun atu kontinua rezolve preokupasaun povu nian no aselera dezenvolvimentu nasionál.
Iha sesaun plenária ne’e, Deputadu sira mós aprova Projetu Rezolusaun nú 128/V(5ª) – ne’ebé aprova Rejime Subsídiu ba Deputadu sira Parlamentu Nasionál, ho 52 votos a favor, 0 kontra no 1 abtensaun.
Sesaun plenária ne’e prezide husi Prezidente Parlamentu Nasionál, Aniceto Longuinhos Guterres Lopes, akompaña husi membru Meza sira. FIM
