Pagina Inicial»Noticia
Parlamentu Nasionál liu husi sesaun plenária ordinária iha loron 27 fulan marsu tinan 2023, aprova ona iha jeneralidade ba Proposta Lei nú 44/V(4ª) – Lei Finansas Munisipais, ho 45 votus a favor, 0 kontra no 0 abstensaun.
Iha sesaun plenária ne’e, Deputadu sira mós aprova lejislasaun sira hanesan; Proposta Lei nú 51/V(5ª) – Medida tutela ba legalidade urbanística, ho 47 votus a favor, 0 kontra no 0 abstensaun; aprova Projetu Rezolusaun Parlamentu Nasionál nú 119/V(5ª) – Kuadru Pesoal Parlamentu Nasionál nian, ho 44 votus a favor, 0 kontra no 0 abstensaun; Projetu Rezolusaun nú 120/V(5ª) – Aprova valor horas extraordinariu no subsidiu ba funsionariu Parlamentu Nasionál, ho 44 votus a favor, 0 kontra no 0 kontra no Projetu Rezolusaun nú 122/V(5ª) – Kona-ba sumplementu sira no subsidiu ba kargu diresaun no xefia sira, ho 44 votus a favor, 0 kontra no 0 abstensaun.
Iha período de antes ordem do dia nian, Bankada FRETILIN liu husi Xefe Bankada, Deputadu David Dias Ximenes Mandati, hato’o deklarasaun politika ne’ebe koalia kona-ba situasaun politika horas ne’e daudaun.
Entretantu iha intervensaun diversa nian, Deputadu sira kontinua husu ba Governu atu responde ba ejijensia komunidade sira-nian liuliu área infraestruturas hodi bele fasilita movimentasaun komunidade sira-nian iha área rural. FIM
