Pagina Inicial»Noticia
Formandu sira husi Sentru Formasaun Juridiku hamutuk 20 resin ho nia professor sira halo vizita guiada ba Parlamentu Nasionál hodi haree expozisaun ba Komemorasaun Tinan 20 Konstituisaun RDTL ne’ebe Parlamentu Nasionál organiza iha loron hirak liuba.
Durante vizita guiada ne’e hetan akompañamentu husi Divizaun Relasaun Publika no Edukasaun Sivika ho Divizaun Protokolu, hodi introduz kona-ba matéria hirak ne’ebé koloka iha expozisaun refere.
Xefe Protokolu, Paul da Costa Nunes, hanesan mós konselleiru ba Komisaun Organizadora Komemorasaun Tinan 20 Konstituisaun RDTL, halo explikasaun kona-ba lalaok funsionamentu Asembleia Konstituinte nian inklui situasaun no kondisaun servisu membru Asembleia Konstituinte ho nia tekniku sira inklui asesor sira hodi apoia prosesu elaborasaun too aprovasaun ba Konstituisaun RDTL.
Formandu sira agradese tebes ba disponibilidade Parlamentu Nasionál nian no promete sei halo tan vizita guiada iha loron hirak tuir mai hodi aprende no haklean matéria sira kona-ba kompetensia no funsionamentu Parlamentu Nasionál nian. FIM
