Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, halo reuniaun ho Grupo Aliansa Labarik Feto Timor-Leste, iha loron 5 fulan agosto tinan 2021, iha sala konferénsia Parlamentu Nasionál.
Diretora organizasaun PLAN International Timor-Leste, Liliana Ximenes, reprezenta grupo ne’e hatete objetivu reuniaun ne’e atu partilha opiniaun balun kona-ba esbosu lei protesaun labarik ne’ebe iha ona Komisaun Espesializada Permanente no halo konsultasaun publika.
Esbosu Lei refere importante tebes ba Timor-Leste, tanba ne’e presija rona perspetiva no opiniaun oioin husi entidade diferente hodi hamossu lei ida ne’ebe kualidade.
Prezidente Parlamentu Nasionál agradese ba opiniaun no sujestaun husi Grupo Aliansa Labarik Feto Timor-Leste no husu atu kontinua akompaña no partisipa ativa iha prosesu diskusaun.
Dezde inisiu Parlamentu Nasionál iha komprimisiu hodi diskute no aprova lei refere, tanba ne’e maski iha resesu maibé komisaun relevante kontinua esforsu hodi halo servisu liga ba lei ne’e. FIM.
