Pagina Inicial»Noticia
Asosiasaun Halibur Defisiensia Matan Timor-Leste, halo audiensia ho Prezidente Parlamentu Nasional, Aniceto Longuinhos Guterres Lopes, iha loron 21 fulan jullu tinan 2021, iha gabinete Prezidente nian.
Diretor AHDMTL, Gaspar Afonso, hatete objetivu halo audiensia ho Prezidente Parlamentu Nasional atu informa preokupasaun hirak ne’ebe AHDMTL enfrenta durante ne’e liuliu iha pandemia Covid-19.
Diretor AHDMTL hatete iha implementasaun Estadu Emerjensia no Serka Sanitaria durante ne’e hamosu diskriminasaun hasoru defisiensia sira, tanba iha pandemia refere defisiensia barak afeta Covid-19 maibe la hetan atensaun maximu husi Governu liuliu Ministeriu Saude.
Prezidente Parlamentu Nasional hatete presija iha tratamentu ne’ebe hanesan liuliu ba ema ho defisiensia presija iha atensaun maximu tanba defisiente sira iha risku hodi hadaet Covid-19.
Tanba ne’e Parlamentu Nasional hanesan reprezentante povu, bele informa ba Governu liuliu ministériu kompetente hodi konsidera.
