Pagina Inicial»Noticia
Ekipa auditoria husi Tribunal Kontas, halo audiensia ho Prezidente Parlamentu Nasional, Aniceto Longuinhos Guterres Lopes, akompana husi Sekretariu-Jeral, Adelino Afonso de Jesus, ho nia equipa, iha loron 21 fulan jullu tinan 2021, iha gabinete Prezidente nian.
Audiensia ne’e ho objetivu atu loke no autoriza sekretariadu jeral Parlamentu Nasional hodi kolabora ho ekipa auditoria Tribunal Kontas nian hodi halo auditoria ba prosesu sira tinan 2017 too 2019.
Durante audiensia, Prezidente Parlamentu Nasional introduz mos lalaok orgaun lejislativu ne’e ba ekipa auditoria no autoriza mos parte sekretariadu atu kolabora di’ak ho ekipa auditoria Tribunal Kontas hodi iha futuru bele hadia sistema hirak ne’ebe konsidera iha irregularidade.
Hafoin audiensia, ekipa auditoria ho sekretariadu jeral aserta kedas kalendarizasaun ba servisu auditoria nian hodi fasilita di’ak liu tan prosesu auditoria ba oin.
