Pagina Inicial»Noticia
Prezidente Komisaun G, Deputadu António Verdial de Sousa, partisipa iha serimónia Tomada de Posse ba Reitor foun Institute of Business (IOB) Dr. Pedro Ximenes,ST,MM, ba tinan 2021 to’o 2024, iha loron 01 fulan juñu tinan 2021, iha Salaun Auditoriu IOB Plaza, Fomento II.
Prezidente Komisaun G iha nia diskursu fó parabéns no susesu ba Reitor foun IOB nian tanba kargu refere la'ós fasil no kaman maibé ho kapasidade no kualidade akademika ne’ebe iha sei jere IOB ho di’ak.
Instituisaun Ensinu Superior Publika ka Privadu sira iha papel importante atu asegura formasaun rekursu umanu ho kualidade atu Timor-Leste bele konkretiza no atinji meta sira ne’ebé estebelese ona iha Planu Estratéjiku Dezenvolvimentu Nasionál.
IOB mós reforsa papel fundamental iha area estudu sientifiku no teknolojia hodi bele responde ba ejijensia merkadu nian ne’ebé dalaruma ho teknolojia avansadu.
Ho nune’e husu ba dosente sira atu tau ensinu ho kualidade hanesan prioridade esensiál, tamba instituisaun ida ne’ebé sai konstrusaun ba futuru ne’ebé diak. Universidade laos atu kria valór no rikeza, maibe sai hanesan pensamentu no fuan ne’ebé mak define futuru ba ita hotu.
